13 oC 
Güneşli
کەتائیبی قەسام وردەکاریی ئۆپڕاسیۆنی بەرخۆدانی فەلەستینیان لە کاتژمێرەکانی سەرەتای بەرەبەیاندا بڵاوکردەوە کە بووە هۆی کوژران و برینداربوون و بێسەروشوێنکردنی زۆرێک لە سەربازانی داگیرکەر.
رژێمی داگیرکەر بە گشتی ڕووبەڕووی چوار "ڕووداوی ئەمنی" بووەوە. دوو لە خان یونس، یەکێک لە گەڕەکی سەبرا و یەکێک لە گەڕەکی زەیتون. ئەم هێرشانە بووە هۆی کوژرانی سەربازێک و برینداربوونی ١١ سەربازی دیکە و گرتنی چوار سەرباز.
بەهۆی سانسۆری سەربازی کە لەلایەن رژێمی داگیرکەرەوە بەسەر میدیای داگیرکەردا سەپێندرا، زانیاری سەبارەت بەو چوار سەربازە دەستگیرکراوە بڵاو نەکرا.
میدیاکانی داگیرکەر بڵاویان کردەوە کە ژمارەیەکی زۆر لە موجاهیدەکانی قەسام لە بۆسەدان لە گەڕەکی زەیتون. ئەو هەلیکۆپتەرانەی کە بۆ چۆڵکردنی بریندارەکان نێردراون، لەلایەن بەرخۆدانەکانەوە تەقەی زۆریان لێکرا.
میدیاکانی داگیرکەر "بۆسەی زەیتون"یان بە توندترین ڕووداو لە دوای ئۆپڕاسیۆنی تۆفانی ئەقسا لە ٧ی تشرینی یەکەمی ٢٠٢٣ وەسف کردووە.
بەگوێرەی سەرچاوەکانی ڕاگەیاندنی داگیرکەر، رژێمی داگیرکەر "پڕۆتۆکۆڵی هانیباڵ"ی جێبەجێ کردووە بۆ ئەوەی لە کاتی هێرشەکانی گەڕەکی زەیتون سەربازەکانی نەگیرێن.
پرۆتۆکۆڵی هانیباڵ شێوازێکە کە سوپای داگیرکەر جێبەجێی دەکات بۆ ئەوەی سەربازەکانی بە دیل نەگیرێن. ئەم شێوازە مەترسی کوشتنی سەربازە دیلکراوەکانی لەسەرە و تەنانەت ڕێگە بە بۆردومانکردنی ئەو پێگانە دەدات کە سەربازەکانیان تێدایە.
ئەبو عوبەیدە، وتەبێژی کەتائیبی قەسام لە بەیاننامەیەکی نوێدا هۆشداریدا لەوەی پلانی لەشکرکێشی غەززە کارەساتبار دەبێت بۆ دوژمن و دەرفەتی زیاتر بۆ گرتنی سەربازی نوێ دەڕەخسێنێت.
ئەبو عوبەیدە جەختی لەوە کردەوە کە سوپای داگیرکەر بە خوێنی سەربازەکانی باجی پلانی داگیرکردنی غەززە دەدات و ڕایگەیاند کە هێزەکانی بەرخۆدان لە ئامادەباشی تەواودان و ئامادەکارییان کردووە.(İLKHA)
ئاگاداری: مافی له به رگرتنه وه ی بابه ته كانی ئیلكھه، پارێزراون ھه واڵی نوسراو، وێنه، ڤیدیۆ، به ھه مو جۆرێكیان، بۆ به ده ست ھێنان پێویسته نوسراو له نێوانمان ھه بێت یان به ڕه زامه ندی ئێمه بێت، پێچه وانه كه ی به ر پرسیاره تی یاسای تیایه
هێزەکانی رژێمی داگیرکەری سەهیۆنی ناوچەکانی چۆڵکراو لە گوندەواری قونەیترەی سوریا بۆردومان کرد و دواتر چونەتە ناو گوندەکە و لە ناو خانوو گەڕانیان ئەنجام دا. حکومەتی سوریا ئیدانەی هێرشەکەی کرد وەک پێشێلکردنی یاسا نێودەوڵەتییەکان وەسف کرد.
لە ئەنجامی تەقینەوەیەک لە باشووری ڕۆژئاوای پاکستان ١٣ کەس گیانیان لەدەستدا و ٣١ کەسیش بریندار بوون.
بەهۆی گەماڕۆی توندی رژێمی داگیرکەر لە سەر غەززە قەیرانی برسێتی ڕۆژ بە ڕۆژ قوڵتر دەبێت. لە ٢٤ کاتژمێری کۆتاییدا ٦ کەسی دیکە بەهۆی برسێتی گیانیان لەدەستدا و ژمارەی شەهیدەکان گەشتە ٣٦٧ کەس کە ١٠یان منداڵن.
دکتۆر محەمەد ئەبو سەلمییە، بەڕێوەبەری کۆمەڵگەی پزیشکی شیفا ڕایگەیاند، دۆخی تەندروستی و مرۆیی لە غەززە گەیشتووەتە ئاستێکی مەترسیدار و داوای دەستوەردانی بەپەلەی کۆمەڵگەی نێودەوڵەتی کرد.
